ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Navantia conta con boas opcións para fabricar as 62 jackets para o parque de Saint Brieuc na Bretaña francesa. Iberdrola adxudicará oficialmente a obra a finais deste mesmo mes. A potencia das turbinas alcanzará os oito megavatios de potencia e as estruturas de aceiro deben estar preparadas para soportar estas grandes máquinas. As condicións do chan nesa localización son máis dificultosas que noutros parques de enerxía eólica colocados ata o momento. O parque permitirá cubrir a demanda de electricidade de 850.000 fogares.
O goberno de Francia esixe que parte da instalación se acometa no pais para o que se debe presentar un plan industrial que garanta ocupación para 250 traballadores en Brest. O parque contará con 62 aeroxeneradores e 496 megavatios de potencia. Situase a vinte quilómetros da costa de Bretaña. O orzamento dos jackets pode roldar os 170 millóns de euros. Se non se producen variacións, a construción arrincará a comezos do 2020. O anterior contrato destas características propiciou na ría de Ferrol un millón de horas de traballo o que significa ocupación para uns cincocentos empregados durante un ano. A unión temporal de empresas de Navantia e Windar acometerá esta obra.
Publica o teu comentario agora