ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Funme de emigrante por non ser chivato. A Rosendo Santiago Casteleiro detívoo a garda civil en 1950. Acusábano de colaborar coas forzas antifranquistas en Astano e de participar en reunións clandestinas no Casa Canosa de Perlío. Pasou unha noite detido en Ferrol. "Deixámoste ir pero de aquí en diante tes que dicirnos quen vai a esas reunións e o que se fala alí" indicaron os da Benemérita.
Ao chegar á casa, Rosendo Santiago apuntou: "Voume para Venezuela que non quero ser un chivato". Convenceu ao seu irmán xemelgo e embarcaron na Coruña .Era marzo de 1950. Ao chegar a Vigo, o barco El Cairo non pasou as revisións necesarias e tiveron que volver para Limodre e logo ir coller o barco a Barcelona. Ao chegar a Caracas durmían nun portal enriba dunha maleta. "Só tiñan vinte bolívares cada un e había que comer". Participou na construción do campo de fútbol de Caracas e nun hospital. Alí había moito traballo para un soldador coma el. "Pasaron catro anos e marchei eu a Venezuela pero quedou aquí a miña filla a maior. En 1956 volvín e comezamos a facer esta casa" recorda Belia. Rosendo retornou en 1961 e volveu entrar en Astano coa mesma categoría que tiña cando marchara. Faleceu en 1997, segundo lembra a súa muller Belia López Pérez nacida no lugar da Fonte en Limodre o 22 de febreiro de 1927.
Publica o teu comentario agora