A primeira tenente de Alcalde, Beatriz Sestayo, aproveitou esta comparecencia para agradecer ao resto do goberno local e ao alcalde en particular a súa defensa frente ás difamacións ás que está sendo sometida a súa persoa e o seu traballo no concello. Refírese Sestayo a un medio de  comunicación que nos últimos días ten á edil socialista no punto de mira. Sestayo tamén anunciou que Ferrol vai ter un Protocolo propio de seguridade e prevención contra a violencia de xénero. Esta semana comeza a redaccción na que participan o Centro de Información á Muller, a Casa de Acollida e a policía local.