En setembro abrirá o prazo para solicitar as novas axudas para a compra de libros de texto

En setembro abrirá o prazo para solicitar as novas axudas para a compra de libros de texto

30 de Xuño, 2009 - 12:00 h. | Publicada por Radio Fene

O novo modelo, aprobado pola Xunta de Galicia, afectará no vindeiro curso aos alumnos e alumnas de 1º, 2º, 5º e 6º de Primaria e aos de Educación Especial.

A implantación do novo sistema de axudas aos libros de texto será progresiva. Comezará no vindeiro curso 2009-2010 en 1º,2º,5º e 6º de Primaria e Educación Especial. No curso 2011-2012 sumaranse 1º e 3º da ESO, para cubrir tódolos niveis a partir do seguinte ano.

No último comunicado da Dirección Xeral de Recursos Humanos, remitido o pasado venres aos centros de ensino, adiántase que a convocatoria de solicitude de bolsas sairá ao longo do verán, abrindo en setembro o prazo para tramitalas nos centros educativos. Neste senso, as familias dos nenos aos que afectará o novo sistema xa no próximo curso, deberán mercar os libros de texto, adiantando os cartos, con independencia de que logo se lles concedan ou non as axudas.

Para informar ás familias sobre o novo sistema que sustituirá ao de préstamo dos libros de texto, dende o colexio Centieiras de Perlío convocaron aos pais e nais do centro a unhas xuntanzas informativas que se celebrarán mañá mércores e que se desenvolverán por ciclos. Os pais-nais dos alumnos e 1º e 2º de Primaria están convocados no centro ás 10 da mañán; as 11 os do segundo ciclo (3º e 4º) e ás 12 da mañán deben acudir os pais e nais de 5º e 6º de Primaria.

Sociedade