O conselleiro de Traballo, Ricardo Varela, salientou en Fene estes datos na visita que esta mañá realizou ás actuacións da escola obradoiro Concello de Fene V, onde estivo acompañado polo alcalde da localidade, Iván Puentes. Esta iniciativa mixta de formación e emprego conta cun investimento de máis de 516.000 euros por parte do departamento laboral da Xunta de Galicia. Ricardo Varela destacou a sensibilidade do concello fenés co fomento do emprego. Para o titular da Xunta ese é o principal obxectivo desta iniciativa, formar aos mozos-as e darlles unha carta de presentación no mundo laboral.