A programación gastronómica da XXIII edición da festa da ostra comezará ás seis da tarde de mañá coa apertura das casetas de degustacións. Este ano o concello porá a disposición dos visitantes máis de 100.000 unidades do bivalvo que se venderán ao mesmo prezo do anos pasado, catro euros, para evitar que a crise económica afecte aos asistentes. O día grande será o domingo coa apertura das casetas a partir das dez e a lectura do pregón que correrá a cargo do xornalista Fernando Franco. O Concello espera superar os 30.000 visitantes que, ao igual que na anterior edición, disporán dun aparcadoiro con máis de 2000 prazas nas inmediacións da fábrica de Pontesa.