ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Biblioteca municipal de A Capela (As Neves- A Capela) acolle o mércores 9 de xaneiro ás 17h un espectáculo de títeres para o público infantil: “Fábula Galénica” a cargo da compañía, Fantoches Baj. A obra, de Ignacio Vilariño, foi galardoada co Premio Barriga Verde de textos para títeres. No espectáculo Fábula Galénica, títeres de luva interpretan dentro dunha preciosa radio a
Narrado coma se dun programa de teatro radiofónico se tratase cóntase como na comarca de Catasós ven reducidos os seus recursos polo desexo do Rei Don Cardo de construírse un castelo novo e desproporcionado. Isto obriga ao Burro Eduardo xunto coa raposa, o lobo e o regato a organizárense na súa loita contra o Rei para recuperar a vida da fraga e a súa contorna.
Fábula Galénica é unha metáfora das actuais desordes ecónomicas fácil de comprender polos rapaces que empatizan claramente cos animais poñéndose do seu lado. A través deles trasmíteselle, dunha forma divertida, a importancia do respecto polo medio ambiente, da amizade e da honradez. Valores necesarios fronte a unha sociedade que actúa de xeito egoísta e baixo o dominio do consumismo.
"Fábula galénica" ten a súa orixe no texto que leva o seu mesmo nome, editado por (Bahía Edicións-Xunta de Galicia, 2011), galardoado co VIII Premio Barriga Verde de textos para teatro de títeres na modalidade infantil que otorga o AGADIC (Axencia Galega das Industrias Culturais) durante a Feira Galega de Artes escénicas.
Con este conto o director de Fantoches Baj, Inacio, rende homenaxe ás narracións tradicionais, as radios de galena e a ciencia farmacéutica.