Falece un mariñeiro no Porto do Son

Falece un mariñeiro no Porto do Son
12 de Novembro, 2019 - 08:11 h. | Publicada por Radio Neria

Un mariñeiro faleceu esta madrugada tras embarrancar o cerqueiro Divina do mar, de Portosín, á altura do Castro de Baroña, en Porto do Son. O seu corpo apareceu a uns cincuenta metros da proa do barco, na zona da Terriña. Outro tres tripulantes lograron chegar a terra polos seus propios medios e outro cinco foron rescatados por embarcacións da zona.

Accidente na zona do castro de Baroña

O mariñeiro falecido lanzouse ao mar tras a viraxe da embarcación e faleceu ao dar contra as rocas. Tres dos seus compañeiros lanzáronse á auga cos chalecos salvavidas, chegaron a terra polos seus propios medios e xa se atopan no hospital de Barbanza.

 

Aínda se descoñecen as causas do accidente xa que as condicións do mar non eran malas, a pesar da alerta que Meteogalicia ten activada na costa debido a un centro de baixas presións situado ao noroeste de Galicia. Non había vento na zona. O aviso é amarelo entre as 3.00 e as 9.00 horas na Mariña, Costa da Morte e noroeste do litoral coruñés, tras o que pasará a laranxa por mar de fondo do noroeste con ondas de cinco a seis metros.

Sociedade

Publica o teu comentario agora