ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
APC Servigalicia, empresa do polígono de Río do Pozo en Narón, non da servido máis produtos desinfectantes porque os provedores non dan abasto. Subministran material de limpeza e desinfectante a hospitais e a centros xeriátricos.
APC Servigalicia traballa estes dias ao 150% “por desgracia” engade a xerente da empresa en Narón, Beatriz Gabeiras, consciente de que a causa é a situación de alerta sanitaria que estamos vivindo. Reciben moitísimas chamadas de teléfono demandando produtos químicos, antisépticos, luvas, máscaras, etcétera. E non so chaman de Galicia senón doutros lugares de España. A mágoa é que non dan feito porque os suministros non dan chegado “veñen a contagotas” explica Beatriz. O prioritario é servir a hospitais e xeriátricos, que xa demandan bastante. De todas maneiras, aclara Beatriz Gabeiras, a falta de suministro vaise amañando paseniño.
O alcohol e o transporte especial
Os problemas son dous, por un lado a escaseza de alcohol, o elemento básico da maioría dos desinfectantes. O segundo é o transporte, porque este tipo de produtos requiren un transporte autorizado para levalos e proceden da zona do Mediterráneo, de Valencia ou Barcelona. APC Servigalicia ten diferentes provedores, acoden a feiras, teñen moitos contactos, pero neste momento todos están igual pola falta de alcohol. Beatriz é unha experta no tipo de produtos que venden, todos co seu certificado de garantía e algún recomendado por Sanidade. É o caso de Descol, un limpador desinfectante moi asumíbel e moi usado; o Declonet, especial desinfectante para superficies (moi demandado neste momento), que se presenta en garrafas de 5 litros e se dilúe ao 10% con auga. Tamén nos fala do Gel Kol un xel hidroalcohólico para as mans moi usado nos hospitais.
APC Servigalicia vende a nivel profesional pero tamén a clientes individuais. Un pode presentarse na nave de Río do Pozo en Narón e comprar todo tipo de papel. A súa tenda enliña www.apcservigalicia.com favoreceu a apertura do mercado e hoxe en día chegan lonxe. Aínda sendo unha das empresas ás que esta crise non tratou tan mal como a outras que están pechadas, Gabeiras apunta que a outra liña á que se adican, a maquinaria, sí que está parada porque o principal sector destinatario é a hostalería e xa sabemos como está vivindo esta crise.
Publica o teu comentario agora