Coincidindo coa Feira do Libro ferrolana, ata o 24 de abril permanecerá exposta no Centro Cultural Carvalho Calero a mostra sobre o escritor de Serantes, nacido en 1935,  Juan Farias, “Un mar de palabras e de imaxes”. A feira do libro será un dos acontecementos culturais máis relevantes deste mes en ferrol pero non o único. Destacamos ademáis na comarca outros acontecementos de interese como a representación da ópera: Madame Butterfly no Pazo da Cultura de Narón o dia 23 ou a obra “Master Class” sobre a vida da diva María Callas protagonizada pola actriz galega, Mabel Rivera que se estrea no Jofre o dia 15. No eido teatral o Jofre achéganos tamén o dia 24 o humor de Carlos Blanco co seu último monólogo “Só”.