A Feira do Moble de A Estrada latexa con máis forza no seu XXV aniversario

A Feira do Moble de A Estrada latexa con máis forza no seu XXV aniversario

05 de Setembro, 2011 - 12:00 h. | Publicada por Radio Neria

A Feira do Moble de Galicia cumpre este ano o seu vixésimo quinto aniversario. Do 10 ao 18 de setembro, A Estrada convértese de novo na capital do moble cun elenco variado de firmas expositoras. Co gallo das vodas de prata, nesta edición haberá un lugar reservado á historia da feira e aos agradecementos ás persoas, que ao longo deste tempo, colaboraron ou visitaron a mostra. A Cámara de Comercio de Ferrol acolleu este mediodía a presen

Durante nove días e, con entrada de balde, os visitantes á Feira do Moble de A Estrada poderán contemplar as últimas novidades en deseño, vangarda, confort, calidade e tradición. 26 mil metros cadrados albergarán os 100 expositores de mobleiros de A Estrada, Galicia e Portugal.

A directora xerente da Fundación de Exposicións e Congresos de A Estrada, Mercedes Cuiña, destacou esta mañá as disficultades e atrancos cos que se atoparon na organización do evento perante a actual situación económica. Cuiña confía en que a feira supoña un revulsivo para o sector do moble.

Pola súa banda, o presidente da Asociación de Mobleiros e Asociación Comarcal de Empresarios e Vicepresidente da Cámara de Comercio de Vilagarcía de Arousa, Gonzalo Figueiras, lembrou a orixe da mostra tras 25 anos de vida.

A XXV Feira do Moble de Galicia pódese visitar en horario ininterrumpido de 11:00 horas a 21:00 da noite.

Sociedade