Vilalba celebra esta fin de semana a XV edición da súa Feira do Queixo de San Simón. Daranse cita neste festexo máis de 80 stands nos que se porán a venda unhas 4.000 pezas deste produto galego de calidade. O secretario do Consello Regulador da Denominación de Orixe San Simón da Costa, Ángel Ramil, falou no programa Onda Rural sobre os actos preparados e as características do alimento homenaxeado.