ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O feminismo é imparable. "Sen coidados non hai vida" foi onte a mensaxe que millerios de mulleres quixeron deixar nas rúas de Ferrol como no resto de Galicia.
Duas mulleres que se adican á música e ao teatro, outra ao deporte (Eugenia Sanmartín, Lidia Castrillón e Sandra Prieto) foron as encargadas de ler o manifesto do 8 de marzo que pechaba a manifestación de Ferrol na praza de Amboaxe. Unha manifestación numerosa e ruidosa porque no traxecto a batukada fai ultimamente das manifestacións feministas, unha reunión de loita pero tamén festiva. Unha hora tardou en chegar a manifestación desde o Inferniño á Praza de Amboaxe. Cando a cabeza chegou a Armas, aínda podía verse a cola na Praza de España. Consignas clásicas mesturaronse con outras de última creación, facendo xogo coa mestura de idades que conformaba a marcha, o que significa que o movemento feminista gana adeptas cada ano que pasa. Como non vai ganar se as novas xeneracións van vendo o que hai nas propias carnes; violacións, acosos, malos tratos, discriminación laboral...Este ano a adicación das mobilizacións aos “coidados” deu no clavo, no cerne do problema. Como decía un dos berros que se escoitaron na manifestación de onte; “feminismo para adiante, machismo para atrás”.
Publica o teu comentario agora