O alcalde de Fene, Iván Puentes, fixo un chamamento a toda a cidadanía a sumarse á celebración, que este ano mudou a data do día 6 para facilitar a asistencia dos veciños, pois hai que ter en conta que a conmemoración deste ano cae en domingo e no medio dunha ponte festiva de 4 días.

Noutra orde de asuntos, o rexidor fenés, anunciou que nos vindeiros días adxudicaráse a posta en marcha do Plan Xeral de Ordenación Municipal. Logo das reunións mantidas nos últimos días pola Mesa de Contratación, onde foi revisada a documentación presentada polas empresas e, logo de que a comisión de expertos da Xunta de Galicia fixese as valoracións e asesoramento oportunos, o informe está xá concluso para proceder á adxudicación.

Iván Puentes valorou tamén positivamente a xuntanza da Mancomunidade de Municipios da Ría do pasado luns, no que se acadaron acordos moi positivos para a comarca. Un deles foi o acordo de mancomunar o servicio de recollida de voluminosos conseguindo así un menor custe e un mellor servizo.