O portavoz do grupo municipal socialista, Antón Noceda, explicaba en Radio Fene que propoñen que este sexa un dos concellos solidarios e hospitalarios con esta xente que escapa da morte. No pleno daráse conta da situación do pago a proveedores correpondente ao segundo trimestre deste ano 2015. E Intervención dará conta tamén da estabilidade orzamentaria do mesmo período. O pleno pechará cos rogos e preguntas.

Concurso gastronómico

O Concello de Fene convoca o III Concurso Gastronómico da pataca, dende o día 9 ata o 27 de outubro. Quérese promover e dinamizar a actividade da hostalería por iso as  tapas serán gratuítas. Cada local participante elaborará unha tapa na que o seu ingrediente principal sexa a pataca. O período de inscrición empezou hoxe, día 28 de setembro e remata o o vindeiro luns 5 de outubro. O lugar de inscrición é o Rexistro xeral do Concello de Fene. Os clientes decidirán o campión e o subcampión. Para votar deberán percorrer tódolos establecementos participantes coa FENERRUTA que irán selando nos locais nos que se degusta a tapa concursante. Cando a Fenerruta esté completa poderán votar e depósitala na urna. Os horarios de degustación das tapas de pataca serán os habituais: Venres de 20:00 a 22:00 horas. Os Sábados de 13:00 a 15:00 h e de 20:00 a 22:00 horas e os domingos de 13 a 15:00 horas.