A inauguración e apertura ao público do Parque está enmarcada nun conxunto de actividades que queren dar a coñecer a iniciativa para difundila entre os veciños e veciñas de Fene, da comarca ou en xeral entre as diferentes persoas interesadas no próprio Parque e na actividade deseñada.  O concello de Fene e en particular a concellería de Promoción económica,  convida a participar a toda a xente interesada en disfrutar dunha tarde con diferentes actividades para persoas de todas as idades e diferentes afeccións. Pintarase sobre os muros, farase skate, xogarase coa música, contacontos, etc, ocupando con esas actividades os diferentes espacios deseñados no recinto inmerso no Parque Castelao. Entre as iniciativas postas en marcha está ademais a edición dunha guía explicativa do parque que se distribuirá proximamente. E ademais inaugurase unha web  agalaxiaimaxinaria.com  onde as persoas interesadas poderán acceder a unha información máis específica e aplicada do Parque. Na web teremos desde propostas lúdicas a fichas didácticas, pasando polo enfoque turístico e de lecer.