Fene súmase ao dominio puntogal

Fene súmase ao dominio puntogal

03 de Outubro, 2014 - 12:00 h. | Publicada por Radio Fene

O Pleno de Fene sumouse por unanimidade á proposta do BNG de solicitar o dominio “.gal” e asesorar  ás sociedades de Fene a que fagan o mesmo. Segundo palabras de Juventino Trigo son xa 93 entidades as que empezaron e agora ata o mes de novembro ábrese o programa Abrente para que as institucións se sumen a esta marcaque presenta ao noso país ao mundo. Todos os grupos apoiaron a proposta.

No apartado de rogos e preguntas, o grupo socialista, que onte estrenou voceiro, pedíu un reforzo da seguridade na estrada Nacional VI, á altura de Santa Ana onde faleceron dúas mulleres a primeiros de setembro. Pediron reforzar os sinais de limitación a 50. Antón Noceda, ameazou ao remate do pleno con ser máis contundente se o goberno do PP continua polos derroteiros actuais.

O BNG demandou a acta da reunión onde se elexíu o Fenés do Ano e EU insistiu na presencia de ratas na ribeira de Barallobre. Enfadada amosouse a concelleira de EU, Mari Carmen Martínez, pola resposta recibida por parte do edil de servicios.

Pola súa parte a voceira do PP arremetía precisamente contra os grupos da oposición, descalificando as súas preguntas.

Sociedade
  • 55 lecturas