ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Un traballador resultou ferido hoxe tras sufrir unha descarga eléctrica por mor da treboada mentres traballaba nun poste de subministración eléctrica na localidade coruñesa de Ordes. Segundo informou a central de emerxencias 112 Galicia, o suceso tivo lugar ás 18.21 horas desta tarde no lugar de Parada, onde o home traballaba nun poste da luz. Por mor da tormenta que se rexistrou a esas horas na zona, o traballador recibiu unha descarga eléctrica.
Ao lugar do suceso desprazouse unha dotación da Garda Civil de Tráfico, así como o Grumir da localidade e unha ambulancia do 061, que trasladou ao ferido ao hospital con queimaduras nas mans e os brazos.
A Fonsagrada
Por outra banda, un home resultou ferido grave esta tarde no lugar de Ferreiros, na Fonsagrada (Lugo), tras saltar por encima dun muro e precipitarse por un desnivel. Segundo explicou o 112, o accidente, de carácter fortuíto, ocorreu cando o home estaba a traballar nunha leira da súa propiedade.
Ao lugar do suceso desprazáronse efectivos de Protección Civil e a Garda Civil, así como o helicóptero do 112 con base en Ourense, que trasladou ao home, en estado grave, ao Hospital Xeral de Lugo.
Finalmente, o 112 informou dun accidente ocorrido en Vigo, cando un menor se precipitou desde unha altura duns seis metros a un patio interior dun edificio da rúa Martínez Garrido, na capital olívica.
O suceso ocorreu sobre as 15.47 horas e ao lugar se desprazou unha patrulla da Policía Nacional e unha ambulancia do 061, que trasladou ao mozo, que "sangraba abundantemente", ao hospital.