ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Concello de Ferrol acollerá o vindeiro sábado 26 de abril, no Teatro Jofre, a fase final do Club de Debate do curso 2013-2014. O Club de Debate trátase dunha interesante iniciativa en que participan cada ano varios concellos. A presente edición está promovida polos concellos de Ames, Carballo O Carballiño, Pontevedra, Santiago de Compostela, Teo e Ferrol para o que asinaron un acordo o pasado 1
Este proxecto leva xa dúas edicións organizadas conxuntamente por varios concellos que, como noutras ocasións, asumen a responsabilidade que lle atribúe á Administración local o Plan xeral de normalización lingüística no seu cumprimento. Ferrol convértese no terceiro concello que acolle unha fase final do Club de Debate, logo de que o fixesen o concello de Pontevedra (2012) e o de Santiago de Compostela (2013).
O Club de Debate diríxese a un dos sectores estratéxicos no proceso de normalización da nosa lingua, a mocidade, e faino co obxectivo xeral de impulsar o uso da lingua galega activando o uso oral do idioma en contextos formais (os propios debates) e informais (a convivencia entre os participantes durante todo o desenvolvemento da actividade).
Nas distintas fases locais da edición do curso 2013-2014 participaron 21 equipos de 16 centros de ensino, conformados por un total de 180 alumnos e alumnas dos distintos concellos.Cada equipo de traballo estivo coordinado por un ou dos preparadores que os asesoraron en aspectos como a procura de información, a disertación en público, a argumentación, etc.
Logo de se desenvolveren as fases locais nas comarcas de Santiago de Compostela, Pontevedra, O Carballiño e Ferrol, son oito os equipos que acceden á final galega:
IES Plurilingüe de Ames
IES Parga Pondal - Carballo
IES Leixa - Ferrol
IES Saturnino Montojo - Ferrol
IES Nº 1 - O Carballiño
IES M. Chamoso Lamas - O Carballiño
IES Luís Seoane –Pontevedra
IES A Xunqueira 1 –Pontevedra
Os oito equipos enfrontaranse entre eles e terán que debater sobre o seguinte enunciado: “Pódese vivir en galego”. O horario de desenvolvemento da actividade é dende as 10.00 horas ata as 20.30 horas, cando se coñecerá o equipo gañador e as puntuacións dos debates, o que dará paso a entrega de premios.