Con motivo do peche da veciñanza de Mehá hai dous anos, o Comité convoca esta xa terceira edición da marcha. Ten un carácter solidario e con ela queren tamén amosar o rexeitamento á ubicación da planta de gas no interior da ría, o que consideran un perigo permanente para todos os veciños e veciñas da zona. A marcha sairá do Parque Carmelo Teixeiro de Caranza ás cinco da tarde. A hora de chegada a Mugardos está prevista para un pouco antes das nove, hora na que a música, os chourizos e liscos serán os protagonistas, poñendo o punto festivo desta marcha na praza dos Carneiros de Mugardos. Todo aquel que queira pode participar nesta marcha xa sexa a pé, en bicicleta ou noutros medios.