A participación nos 7 concellos que bordean a ria de Ferrol é 6 puntos inferior á galega, e 3 á da provincia da Coruña. Agrupando os resultados deses municipios, o PP situase como a forza máis votada con 22924 papeletas (o 18,09% do censo) por 19308 (15,23%) do PSOE. En terceira posición situase o BNG con 4390 sufraxios (3,46%). A máis distancia sitúanse Esquerda Unida (1356 votos) e UpyD (804). En relación co conxunto da provincia da Coruña, o PP logra en Ferrolterra menos apoio ao igual que o BNG. Os socialistas repiten a porcentaxe de respaldo nos dous ámbitos. UpyD ten na provincia da Coruña máis apoios que na comarca, ao revés que Esquerda Unida. Na analise por Concellos o PP é a forza máis votada en Ares, Ferrol, Narón, Mugardos e Valdoviño. O PSOE situase en primeira posición en Fene e Neda.