Fixo un butrón

Fixo un butrón
14 de Agosto, 2019 - 10:14 h. | Publicada por Radio Fene

“Fixo un butrón”. Dese xeito tan gráfico describiu un veciño, os danos provocados polo tronco caído dun camión no peche dunha vivenda da estrada da Palma en Barallobre. Unha empresa especializada traballaba esta mañá na reposición do muro.

Danos provocados polo accidente na estrada da Palma en Barallobre

O vehículo pesado cargado de madeira perdeu parte da súa carga arredor das tres da tarde de onte á altura dos números 111 e 112 da estrada da Palma, no lugar do Piqueiro en Barallobre. Os troncos esnaquizaron os peches de dúas vivendas, dous báculos do alumeado público e outro de sinalización. A Policía local desprazouse á zona e regulou a circulación ata as seis da tarde, hora na que a calzada xa quedou totalmente limpa. Neste punto da estrada da Palma téñense producido diferentes accidentes de tráfico nos últimos anos.

Sociedade

Publica o teu comentario agora