Á grave situación na que se atopa a negociación do Convenio Colectivo a patronal engade o continuo desvío de carga de traballo a outros paises en Sudamérica e países do leste de Europa como poden ser Chile, Colombia e Rumanía, sinalan dende Comisións Obtreiras. “Todo isto fano coa complicidade dos clientes que contratan o seu servicio. Clientes coma Gas Natural Fenosa, Iberdrola, Endesa, Telefónica, Movistar, Orange, Vodafone, R cable, televisión e Internet, Novacaixagalicia, Banco Pastor, Banco Santander, Aon, etc”

O persoal que traballa no telemarketing non están dispostos a permitir que continúen con esta “sangría de traballo” nin a permitir que “esta patronal que actúa de xeito miserable xogue coas nosas vidas”.

CCOO opina que o sector do Contact Center está sometido a unhas condicions laborais de mínimos con uns dos maiores índices de precariedade laboral no mercado e con unha ausencia total de formación e profesionalización no sector.

“Atopámonos cunha patronal noxenta, que ten o único fin de profundizar na precariadade laboral pretendendo os ERE´s Express, ademáis de negárense a unha subida salarial mínima como debe ser a do IPC”, declaran.