Teatro Studio de Ferrol participou en 1970 na III Semana de Teatro Xove da Coruña. Alí presentaron palestras sobre os Problemas do teatro galego e en torno a Literatura e Teatro Xesús Alonso Montero e Manuel Lourenzo. O Teatro Studio representou no salón de actos da Caixa de Aforros da Coruña na Ronda de Nelle un dobre espectáculo “Mac and Majorie” e “El poema del niño” de Eduardo Alonso, xove autor e membro do grupo. Dicía o xornal en setembro de 1970, o Teatro Studio ”leva a cabo un interesante labor experimental, non só no que atinxe a montaxe e interpretación, senón en canto promove un teatro inédito, ou ben crea, en equipo, os propios textos. Actúa frecuentemente no Instituto e no Teatro Xofre. Entre os espectáculos ofrecidos na presente temporada figuran: Las suplicantes, Estudio Hamlet, Gritos, etcétera. Na Coruña deuse a coñecer hai uns anos con “Ligazón” de Valle Inclán e “Historias del zoo” de Albee. No II Certame de Teatro Novo, onde foi abundantemente galardoado". Publicouse a crónica que asina Tino, en La Voz de Galicia o 24 de setembro de 1970.

TORREGROSA, JOSE Apuntes para la historia del Teatro Studio. Ferrol Análisis, número 16. Club de Prensa de Ferrol. 2001.

OTI, FRANCISCO. O novo teatro galego en Perlío. T. Vigo, 2018.