ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Impulsar o encontro entre a realidade social e a cidadanía a través da fotografía é o obxectivo do Foro Internacional Revela que, por quinto ano consecutivo, pon en marcha o Concello de Oleiros. A iniciativa, que conta con apoio da Deputación da Coruña e a Fundación María José Jove, céntrase nesta edición na violación doS dereitos dos nenos baixo o lema Morrer de infancia.
Os parques municipais Luis Seoane e José Martí exhiben as imaxes asinadas por 25 xornalistas, de 11 nacionalidades diferentes. As fotos, de grande formato e temática impactante, provocaron as queixas dalgúns veciños, segundo contou a Radiofusión o alcalde, Ángel García Seoane. Porén, o rexedor defende a importancia de que a cidadanía teña coñecemento de problemáticas que non adoitan saír nos medios de comunicación tradicionais.
No marco do Foro Internacional Revela outórgase unha bolsa de 12.000 euros, que o fotoxornalista gañador utilizará para desenvolver o seu proxecto de denuncia en calquera país do mundo. O último vencedor do certame, Fernando Moleres, empregou o premio para retratar coa súa cámara a situación que viven os nenos nos cárceres africanos.