“Observar estas fotografías, mesmo sen ler os textos que as documentan, é meterse de cheo en todo o noticiable que sucedeu nos últimos meses na Coruña e a súa área metropolitana”, salienta o presidente da Deputación da Coruña, Diego Calvo, no limiar do catálogo da exposición.

O proxecto Fotoxornalismo Coruña naceu no ano 2000 co obxectivo de reunir aos profesionais que desenvolven o seu traballo na cidade da Coruña a través de diarios, revistas, gabinetes de comunicación e axencias de noticias, trasladando a través das súas fotografías a realidade e a actualidade.