ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Somentes oitenta e cinco quilómetros ten de altura o triángulo dos mosteiros esquencidos de Galicia. Trátase de tres cenobios creados entre os séculos XI e XII que tiveron importancia capital na época e que hoxe sobreviven ao esquecemento. Os ollos dos peregrinos e dos indíxenas diríxense cara Caaveiro e pousanse na catedral de Santiago de Compostela ou na praia das Catedrais en Ribadeo, esquencendose de mosteiros que foron no seu dia centros da vida relixios
Os pementos do Couto
No século doce comeza a etapa de esplendor do Mosteiro de San Martiño de Xubia no Couto en Narón. Nos primeiros anos deste período, os Condes de Traba consolidaron e financiaron a reconstrución sobre os restos do templo orixinal. No ano 1137 o novo mosteiro foi doado á orde de Cluny. Iniciábase así, inesperadamente, a etapa de maior apoxeo do Mosteiro co comezo do priorado. Nos conseguintes anos, a San Martiño de Xuvia viñan retirarse fillos de reis e distintas personalidades da alta nobreza. Frei Martín Sarmiento hospedouse no Mosteiro mentres facía o Camiño de San Andrés de Teixido. O prior preparou un suculento guiso ao que engadiu uns pementos. Pero o ingrediente estrela foi todo un fracaso, xa que o convidado quedou tremendamente adoecido co seu picor. Disque esa noite o prior soñou con San Martiño. Recomendoulle o santo que ao ano seguinte volvese invitar ao ilustre personaxe e os pementos xa non picarían. Así foi, e doce meses máis tarde o milagre fíxose realidade. Unha segunda versión (un pouco máis crible) afirma que o prior pasou aquel ano enteiro facendo diferentes seleccións de sementes ata que deu coa combinación duns pementos máis doces.
(continuará)