Pola súa banda, Pablo García (PSdeG) pediu que con estas propostas "non se entenda que os habitantes do medio rural non teñen que pagar impostos", senón que considera que deben aplicarse dunha forma "racional". Isabel García Pacín (PPdeG) mostrou o rexeitamento do seu grupo porque esa medida de Facenda segue a "aplicación exhaustiva e racional das normativas vixentes" asegurou. Así mesmo, defendeu a súa posta en marcha en Galicia porque afloraron "3.500 piscinas" non declaradas.