Pero a visita non consistirá so en escoitar e animarse cos ritmos rockanroleiros de Glutamato Yeyé, senón que haberá espazo para a cultura e o bo xantar. O Palacio de Canedo e as bodegas de “Prada a Tope” acollerán a esta delegación especial cunha boa mostra das viandas leonesas, xa que os visitantes poderán degustar os pementos asados e os viños ponferradinos. Ademais, a viaxe tamén incluirá unha visita ao Castelo e á zona vella da vila.

A saída para todos os que se inscribiron nesta actividade músico-cultural será ás 16.00 horas do mesmo 13 de xuño na praza de Suso Gayoso.