O goberno de Feijoo ataca con saña a lingua galega e non presentou unha soia solución contra a crise, afirmou Vázquez, quen indicou que o goberno do PP "unicamente se limitou a seguir utilizando a política lixo para atacar a oposición e plegarse ao que lle marcaban dende Madrid". O voceiro do BNG reiterou o interese nacionalista en manter o rango de nación no marco do Estado "para non ser menos que Catalunya ou Andalucia e por iso queremos un Estatuto de primeira". O rango ten que ver con competencias, con transferencias e en consecuencia con nivel de vida, segundo Guillerme Vázquez. Segundo o dirixente do Bloque, na negociación do Estatuto os nacionalistas teñen liñas bermellas que non se deben cruzar, entre elas a de manter o status de Galicia.