ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Conversamos no espacio As Foxas de Radio Fene coa tenente de alcalde e concelleira responsable das áreas de Obras e Servicios do concello de Fene, Mar Piñeiro, un mes despois da súa elección.
“Hai diálogo e hai equipo” afirma a primeira tenente de alcalde de Fene e portavoz do grupo socialista, Mar Piñeiro, ante a nosa pregunta de como vai o tripartito que se puxo a traballar en fene hai un mes. Engadía Piñeiro, no espazo As Foxas, que cada un ten a súa responsabilidade e que os tres suman cun obxectivo: o benestar da veciñanza de Fene.
Mar Piñeiro responsabilizouse das áreas de Obras e Urbanismo. O obxectivo destes primeiros dias foi analisar a situación que se atopou, cal era o método de traballo e empezar a planificar o que quere facer. E o que quere, confesa Mar Piñeiro, é darlle unha volta á maneira de xestionar e de traballar nesta área. Paralelamente, hai que saber o que se debe e con canto orzamento pode contar.
O seguinte paso é dotar á área de servicios dos medios personais e materiais necesarios porque, afirma a edil, hai moi pouca xente en servizos e a situación é moi precaria. Ten un plan para atallar iso coa contratación de peóns, cuxas bases están publicadas no DOG desde o dia 11 de marzo. Recoñece Mar Piñeiro que o goberno anterior deixou enriba da mesa varios expedientes para os POS (Plans de Obras e Servizos) nos que están a últimar algunhas modificacións para envialos xa á Deputación provincial de A Coruña. Estamos a falar dos POS de 2019 e 2020.
Atender as necesidades de todas as parroquias, reunirse coas entidades veciñais e establecer un orde de prioridades é o que pretende o departamento que dirixe a edil socialista. Conclúe Mar Piñeiro afirmando que cada membro do goberno ten as súas responsabilidades pero que hai diálogo e hai equipo”.
Publica o teu comentario agora