A redución das capturas pola sobreexplotación dos caladoiros foi o principal problema da empresa, xunto coa competencia de Pescanova que desde 1965 liderou o sector da pesca industrial. Os directivos da Pysbe fracasaron no intento de diversificar as capturas con atuneiros conxeladores. O 13 de abril de 1967 preséntase o expediente de suspensión de contratos para as mulleres da Pysbe. Na mesma xornada concentranse ante a Delegación Comarcal de Sindicatos ao redor de mil cincocentas persoas que reclaman a anulación dos despidos. Era algo insólito en plena dictadura de Franco. Fórmase unha manifestación que se dirixe á Praza de Armas. A Policia Armada impídelles o paso e producense forcexeos e incidentes. Houbo varios feridos e as forzas da orde deteñen á operaria da Pysbe María Angeles Rivera Torres e a trece traballadores de Bazan que se solidarizaran coa fábrica da zona portuaria.

A Pysbe deu marcha atrás e decidiu readmitir a todas as traballadoras. Pero tres das persoas detidas foron condenadas por insultos á autoridade, lesións e propaganda ilegal. Gelines tivo que ingresar no cárcere donde pasou varios meses. Ao sair, readmitirónna na Pysbe pero ao pouco tempo emigrou a Francia. A fábrica de bacallau pechará ás súas portas en 1973.