ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O incendio da ferraxería Isasi na rúa Mercaderes 21 da Habana supuxo a institucionalización do Dia do Bombeiro en Cuba. Recoñécese así todos os 17 de maio á xente esforzada que pon en risco á súa vida para sufocar os lumes e salvagardar vidas e facendas. Despois do lume, un dos propietarios do establecemento será José López Martínez, nacido en Redes (Ares Galicia) en 1881.
“Cando meu avó veu para aquí, en 1894 coincidiu co señor Aspuru e empezou na ferraxería Isasi de neno de recados. Chegou a ser un dos donos do establecemento. José López traballou alí ata 1927” lembra a súa neta Marisa Naveiro.
17 de maio de 1890. Sobre as dez e media da noite desátase o lume na Ferraxería Isasi, situada na rúa Mercaderes esquina a Lamparilla, no actual municipio da Habana vella. O propietario do local, Isasi, non declarara a importación e almacenamento ilegal de varias sustancias inflamábeis (pólvora e dinamita) nin informou aos bombeiros da súa existencia. Entraron ao inmoble sen coñecer a perigosidade da mercadoría almacenada. Cando as chamas se facían incontrolábeis desde fora, os bombeiros estimaron necesaria a apertura dun furado nunha das portas do establecemento co propósito de pasar una mangueira e organizar a extinción desde o interior da ferraxería. Ocorreron dous estoupidos, un detrás doutro e os cascallos obstruíron a rúa Lamparilla. Faleceron trinta e nove persoas entre bombeiros, axentes da orde pública e transeúntes. Xente voluntaria integraba os corpos de prevención e polo seu labor non recibían retribución económica. O lume converteuse nun desastre que provocou una cuestación pública, un sentimento nacional de solidariedade. O Concello da Habana decidiu erixir no cemiterio de Colón, un monumento aos bombeiros caídos. O mausoleo, do escultor catalán Agustín Querol Subirats, mostra catro figuras de tamaño heroico que simbolizan a abnegación, a dor, o heroísmo e o martirio. No inmoble onde ocorreu o sinistro, colocouse una lápida en lembranza do feito e en 1995, inaugurouse una sala museo, adicada aos bombeiros. A antiga ferraxería Isasi foi un dos lugares visitados en outubro de 2019 na viaxe organizada pola Agrupación Instrutiva de Caamouco.
Publica o teu comentario agora