ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Os alumnos de 4º da ESO e 1º de bacharelato do Instituto de Palas de Rei levaron a cabo a prantación de 25 árbores nun proxecto de creación dunha horta de árbores froiteiras. A inciativa desenvólvese mediante patróns francos de pereiras, maceiras, cerdeiras e ciroleiros entroutros exemplares para logo inxertalos con outras variedades xenéticas. Todo para que o ano que vén os inxertos dean os seus froitos.
Neste proxecto científico pasouse por distintas fases. Primeiro investigáronse as distintas árbores froiteiras que tiñan nas súas casas e logo fíxose o estudo e a selección por antiguedade. Un traballo ao que se lle quere dar continuidade no tempo.
No Concello de Palas de Rei tivo lugar o paso duns pelegríns moi especiais. Cinco presos do cárcere de Monterroso que están a facer o Camiño de Santiago acompañados polo director do centro penitenciario, foron recibidos polo tenente alcalde, Pablo taboada e outras autoridades. Un exemplo de inserción social dos internos.
Tamén hai novidades en materia cultural. Así impartirase un curso de 75 horas lectivas para obter o Celga 3 e perfeccionar o idioma galego. Arrinca este luns 29 de marzo e desenvolverase de luns a venres de oito da mañá ás tres da tarde. Ata o momento hai 33 persoas inscritas pero o prazo para anotarse aínda non se pechou.