Diante da insistencia da xornalista que volveu preguntar se lle parecían acaidas as comparanzas entre as protestas dos afectados polos desafiuzamentos e a represión nazi, o delegado do Goberno reafirmouse.
Na mesma xornada, en Lugo desenvolvíase unha protesta de afectados polas participacións preferentes que xa avanzaron a súa decisión de concentrarse o vindeiro xoves diante da sede do PP na cidade da Muralla para reclamar a devolución dos seus aforros. O voceiro da plataforma cidadá, Xavier Novo, declarou que eles non consideran escraches as súas reivindicacións pero que, en calquera caso, o importante é a estafa, non as queixas.