Isaac, alento e froito

Isaac, alento e froito

07 de Xaneiro, 2015 - 12:00 h. | Publicada por Radio Culleredo

"Isaac é el mesmo pero o seu alento e froito ramifícanse e corren coma o río, como a voz dun pobo, dunha loita, un sacrificio, unha vitoria sobre a negra sombra, coa arte, a vida, a pluma e a palabra". Afirmabao así a asociación cultural Fuco Buxán nun libro titulado "Isaac Diaz Pardo. Homenaxe galega" editado no 2007 en Ferrol e coordenado por Rosa Méndez.

Díaz Pardo naceu en Santiago de Compostela en 1920. O seu pai, o escultor Camilo Díaz, foi fusilado polos golpistas de 1936. A súa vida estivo marcada polo compromiso con Galicia, e pola amizade con Castelao, Cabanillas e Luis Seoane. Morreu o cinco de xaneiro do 2012 e os seus restos repousan no cemiterio de Boisaca en Santiago de Compostela.

Cultura