O obxectivo é, ademais de promocionar a lectura, dar a coñecer a variedade de linguas da península. Por este motivo o stand contará con libros en galego e castelán, así como en portugués, euskera e catalán. 

As persoas que se acheguen ao expositor poderán gozar do pracer de ler e, ao mesmo tempo, comprobar como son as linguas veciñas e aprender a valoralas.

Segundo explicou a técnica do servizo de normalización, Eva García Rei, para completar os fondos dispoñibles nas bibliotecas colaboraron o Instituto Camoés de Vigo, a dirección e promoción do Euskera do goberno vasco e a Secretaría de Política lingüística da Generalitat.