A LOMCE non supera a reválida en Galicia

A LOMCE non supera a reválida en Galicia

12 de Maio, 2016 - 12:00 h. | Publicada por Radio Lugo

Amplo rexeitamento ás probas de sexto de educación primaria. O ano pasado houbo un 20 % de absentismo. Este ano dous de cada catro alumnos dese nivel non foron a este exame que gañou a oposición de toda a comunidade educativa. Segundo a Federación de ANPAS,  o 80% das familias amosaron a súa oposición e non participaron nos polémicos exames. Hoxe segundo día da reválida.

Como exemplo, no colexio Os Casais de Maniños en Fene non se presentou ningún dos nove que cursan sexto. O comportamento no colexio Centieiras de Perlío foi máis plural acudindo o 30% do alumnado aos exames. De trece alumnos que cursan sexto no centro de Perlío só catro se presentaron ás probas.

Nun colexio de Becerreá en Lugo, denuncian o acoso que sofreu un neno despois de deixar a reválida en branco. Un inspector de Educación enviouno apartado a un aula onde permaneceu toda a mañá. A Federación de ANPAS reclama unha investigación. 

Sociedade