En calidade de concelleiro de Formación , Juan José Franco anunciou que Fene ten concedido un segundo obradoiro de Carpintería metálica, para o que en breve se seleccionarán os dez participantes. O mesmo que o de Tubaxe industrial, obradoiro iniciado hai uns días na nave municipal de San Marcos, este taller terá a súa sede en Fene. Aínda participa Fene nun terceiro que se impartirá en Mugardos, sobre Atención socio-sanitaria. Nestes cursos seleccionanse persoas menores de 30 anos en situación de desemprego. En palabras de Franco, “trátase de fomentar o emprego xuvenil”. (Na imaxe, alumnado do INICIA II)

Tras un tempo de formación teórica, o alumnado acomete pequenas obras nos concellos de destino como prácticas do aprendido.