A música máis característica do Nadal

A música máis característica do Nadal

29 de Decembro, 2010 - 12:00 h. | Publicada por Radio Ordes

Ordes segue a celebrar as actividades enmarcadas na programación de Nadal, e será o próximo día 2 de xaneiro, no que o protagonismo recaerá na música. Un ano máis Ordes celebrará o seu tradicional Certame de Corais con motivo do Nadal, organizado pola Coral Polifónica de Santa Cruz de Montaos en colaboración co Concello.

O concerto terá lugar o domingo día 2 de xaneiro na Igrexa Parroquial de Santa María de Ordes a partir das 20:30 horas. As agrupacións participantes serán a coral Aires de Carral, a Coral de Trazo, a Coral Hermano Gómez de Santiago, o Grupo de Música Tradicional de Ordes, e a anfitriona, a Coral Polifónica de Santa Cruz de Montaos.

Desde o Concello animan a todos os veciños e veciñas do municipio, así como a visitantes a que acudan a este certame no que as panxoliñas e música típica desta época do ano, serán as protagonistas.

Sociedade
  • 196 lecturas