ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Tiramos do refraneiro popular en "Fene na memoria" obradoiro radiofónico dos Servizos Sociais municipais de Fene e paseamos polos camiños do Sartego.
“ Despois de abril, a auga ven tras o tamboril” ou “Emigra o galego pero nunca perde o rego” son dous refráns populares que debeu afrontar Pilar Freijomil nunha nova entrega de “Fene na memoria” obradoiro radiofónico que Radio Fene realiza en colaboración cos Servizos Sociais do concello de Fene. Xunto co refraneiro, a usuaria dos obradoiros Tardes Activas, neste caso de San Valentín, tivo que adiviñar tamén ás cancións que forman parte dos exercicios de memoria que realizamos. Hoxe Ana Kiro e Paloma San Basilio protagonizaron o concurso ben superado por Pilar.
O psicólogo Jaime Lendoiro deixou un reto para facer na casa a todas as usuarias, agora oíntes do obradoiro; facer un exercicio de introspección sobre como cambiou a súa vida desde un momento puntual ata a actualidade. Antes do final, Pilar Freijomil tivo que explicar a paisaxe que ve desde a súa casa e a súa contorna. Levounos ao Sartego, desde onde ve toda a ría de Ferrol ata o porto exterior, e convidounos a percorrer os camiños que nos levan a terras de Sillobre, entre o monte e o mar.
A coordinadora municipal dos obradoiros de memoria, a pedagoga Mª Xosé Paz, convidou a todas as usuarias a seguir a través da radio todos os martes, ou do podcast, os exercicios que se propoñen. Tamén a visitar a páxina web municipal onde se sube diferente material para ir traballando mentres a pandemia non os deixa reunirse presencialmente.
(Imaxe de Pilar Freijomil )
Publica o teu comentario agora