UCGAL presentou hoxe en Santiago de Compostela o informe que pon de manifesto diferenzas considerables nos avances que diferentes marcas brancas comercializadas en Galicia fixeron de cara a aplicación o vindeiro ano 2014 do Regulamento UE 1169/2011. Este estudio analizou as 11 aspectos obrigatorios a dia de hoxe e outros seis que o serán o vindeiro ano 2014 (ou 2016) atendendo a elementos como a claridade ou a accesibilidade da información. A cualificacion das marcas comercializadas preséntase por grupos nos que son comercializadas, sexan marcas propias do distribuidor (Hacendado, Eroski, Froiz) ou non (IFA, Leader Price, Alteza) e diferenciando aspectos vixentes daqueles que o serán en breve.

Estas sons as principais conclusións que tira a UCGAL da súa análise:

• Respecto da denominación do produto e outros aspectos fundamentais da información (marcado de datas ou alérxenos) en ocasións, esta non se atopa no principal campo visual do produto, quedando relegado a partes menos visibles do etiquetado como os fondos ou laterais.
• O tamaño da letra en ocasións dificulta enormemente a comprensión da información contida na etiqueta, sobre todo a relacionada coa lista de ingredientes, co risco que elo pode levar sobre todo para persoas que padezan alerxias ou intolerancias. Algunhas das etiquetas analizadas non superarían o requisito do tamaño de fonte (mínimo 1,2 mm) previsto no Regulamento UE 1169/2011.
• Son frecuentes situacións nas que a informacións se estampa ou imprime empregando tintas ou técnicas que dificultan enormemente a súa visualización.
• Atopáronse situacións nas que esta podía perderse no proceso de manipulación ou transporte dos envases, como aquelas nas que as datas de consumo se sinalaban mediante o troquel das etiquetas.
• Atopáronse situacións nas que a información, como datas ou lote aparecía impresionada en elementos que non constitúen o corpo principal do envase, favorecéndose así a perda da información. P.ex. a impresión en precintos de seguridade, anillas, etc.
• Atopamos situacións nas que non se sinala a composición de determinados ingredientes presentes en produtos preparados como por exemplo preves ou recheos.
• Subsisten situacións nas que se omite a orixe de aceites ou graxas vexetais que seguen a incluírse na etiqueta con esta mención xenérica pese á proximidade da aplicación do regulamento europeo neste punto.
• Atopamos situacións nas que non se sinala a cantidade de determinados ingredientes malia que se sinalan como aspecto destacado na denominación do produto.