Ao igual que aconteceu con Mensaxes, coa que Casas gañou o Premio Castelao de Banda Deseñada, A historia xamais contada xamais contada “reflexiona sobre a propia narración (visual ou escrita) e nela aparecen tamén os xogos metalingüísticos nos que o medio narrativo se converte en parte protagonista da narración”, segundo afirmou o propio autor en Radiofusión.

Mariano contou para a elaboración da obra cunha das axudas á creación de banda deseñada que convocou o pasado ano a Consellaría de Cultura. Isto supuxo que tivera que traballar a un ritmo frenético para poder investir a subvención da Xunta na edición.

A historia xamais contada xamais contada sae á venda cunha tirada de mil exemplares e en galego; aínda que probablemente nun futuro se edite tamén en castelán.