ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A portavoz de Pesca do Grupo Parlamentario dos Socialistas de Galicia, Marisol Soneira vén de rexistrar unha interpelación na Cámara Autonómica na que reclama explicacións ao Goberno de Feijoo sobre a deixadez da Xunta entorno ao Convenio asinado entre o MARM e a Consellería do Mar para a xestión integral e sostible do litoral. A deputada socialista lembra, na iniciativa rexistrada, que o BOE publicou o Convenio de colaboración o pasado 24 de novembro
Soneira afirma que este documento tiña especial relevancia porque tentaba coordinar e buscar solucións aos problemas inherentes á aplicación da Lei de Costas nas instalacións acuícolas e conserveiras instaladas o pé de costa con concesión a piques de vencer.
Ademais subliña que establecía a constitución dunha Comisión Mixta de Seguimento para coordinar os plans de actuación de cada administración, estudar a incidencia de cada actuación no ámbito das respectivas competencias, determinar as accións e proxectos a desenvolver polas partes, coordinar as achegas económicas, etc..
Porén denuncia que a Xunta non tomou ningunha iniciativa para desenvolver este convenio nin tampouco convocou a citada Comisión Mixta.
Ante isto quere coñecer, entre outros asuntos, qué accións levou a cabo a Consellería para dar cumprimento a este Convenio, en que situación se atopan as distintas concesións situadas no dominio publico maritimo-terrestre e cántas instalacións acuícolas, conserveiras, ou doutra natureza, están próximas a ver vencida a súa concesión e necesitan, perentoriamente, trasladarse a outro lugar.