O obradoiro pretende ofrecer por unha banda menús novos, sinxelos e atractivos cos que sorprender aos convidados, e por outra reinterpretar menús clásicos con presentacións modernas, tendo en conta ademais os tempos de crise que se están a vivir. 

En canto ás receitas elaboradas o martes, os participantes realizaron rolos de pan de miga, sopa de peixe e marisco e popietas de linguado e langostinos en salsa verde. Para a sesión de mañá está previsto que os alumnos aprendan a elaborar dous aperitivos, cherry chupa chups e bombóns de xamón serrano, lombo de porco á laranxa con puré de mazá e mousse de turrón de xixona.