ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
GastroLAB chámase a nova iniciativa de Factoría Compostela. Trátase dun laboratorio de experimentación gastronómica para ofrecer ao público a posibilidade de degustar pratos elaborados por cociñeiros convidados. Chefs de todo o mundo achegarán os seus pratos a esta gorentosa cita en Compostela.
O GastroLAB conta con diferentes liñas de traballo. Unha aula con expertos con temática de toda España e un espazo-laboratorio para investigar cos produtos e o deseño de utensilios de cociña entroutras cousas. Ademais hai unha zona degustación para que a xente coñeza no que se está a traballar. A temática mudará segundo o chef convidado que cambiará cada tres meses . A iniciativa abriuse co chef Miguel Gil quen tamén coordenará o proxecto.
Gil inaugurou o GastroLAB adícandose ao mundo doce cunha pequena parte salgada. A súa carta contempla 6 postres xogando con distintos sabores, cores e texturas. Dentro do eido da investigación traballa nunha peza encargada por Sargadelos que denomina “Botafumeiro século XXI” na que combina diferentes xerminados e herbas. Tamén está a experimentar na creación de distintas caixas de bombóns con sabores especiais.
O principal obxectivo deste laboratorio experimental segundo afirmou en Radiofusión, Miguel Gil, é achegar á cidadanía estas creacións tanto degustandoas como aprendendo novas técnicas fáciles para un cociñeiro amateur.
Para o chef supón unha oportunidadeincreible e unha oportunidade de luxo tanto para él como para o seu equipo. “Hai restaurantes dentro de museos pero nós temos a posibilidade de achegarnos aos artistas”, sinalou.
Os curiosos, os larpeiros, os interesados na arte culinaria e o público en xeral poden visitar GastroLAB de martes a sábado desde as catro da tarde ata a unha da madrugada.