ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A militancia do BNG terá a última palabra no conclave do 28 de Febreiro. A partir do Consello Nacional prosegue o calendario marcado de cara á celebración da XV Asemblea nacional que terá lugar no Palexco da Coruña. Os debates nas comarcas prolongaranse ata o 15 de febreiro, data límite para remitir as emendas aprobadas pola militancia ao Consello Nacional, que celebrará un último encontro antes da cita asemblearia o 20 de febreiro. Tres relator
O Consello Nacional do BNG aprobou os textos políticos que serán debatidos agora polo conxunto de toda a militancia nas asembleas comarcais, de onde sairán os relatorios finais para someter a análise e votación definitiva na asemblea nacional prevista para o 28 de febreiro.
Os textos aprobados, tras o debate das 117 emendas presentadas polos membros do Consello Nacional, son tres: o relatorio oficial elaborado e asumido pola Comisión redactora das ponencias -que incorporou unha parte substancial das emendas-, e outros dous textos en fora de votos particulares presentados por Carme Adán e Tereixa Paz e por Alba Nogueira, na súa condición de integrantes do Consello Nacional.
Os tres documentos políticos concordan no obxectivo de manter o proxecto nacionalista do BNG como unha forza auto organizada, autónoma e con perfil propio perfectamente diferenciado na defensa do país, que entende Galiza como unha nación, e defende o dereito de autodeterminación dos pobos.
Os relatorios políticos aprobados polo Consello Nacional apostan tamén pola “refundación” do proxecto nacionalista para frear o devalo electoral do Bloque nos últimos anos, claramente reflectido nos resultados dos comicios do 20D. Unha refundación que se apunta como necesaria, tras abrir un proceso de debate entre a militancia e o conxunto da cidadanía que, segundo as propostas, debería estar definida ante das eleccións galegas ou formularse tras un período maior de debate.
A defensa da maioría social -precariada e empobrecida- a defensa dos sectores produtivos do país, dos servizos públicos universais e de calidade, da igualdade e da lingua e cultura propias son temas esenciais asumidos en todos os relatorios, que tamén teñen como elemento común a necesidade de “resintonizar” coa cidadanía. Preocupa especialmente a perda de apoio entre a mocidade e na Galiza urbana, que se considera vital recuperar, actualizando mensaxes e maneiras de comunicalos.
A militancia tamén debaterá sobre as fórmulas de concorrencia electoral para os comicios galegos e sobre o modelo organizativo que se propón nos textos que agora pasan as asembleas comarcais.
Neste sentido, hai unha aposta clara polo asemblearismo, expresamente recollida nos relatorios aprobados que, no relativo á cita coas urnas, abren o abano entre a proposta de concorrer ante os e as electoras sumando a todas as forzas nacionalistas posibles, e a proposta de explorar vías de confluencia a través dunha coalición técnica en pé de igualdade con forza nacionalistas e de esquerdas que operen en Galiza.