En San Valentín celebran desde o venres as súas festas patronais, polo que o barrio rexistrou unha animación especial. Aos visitantes atraidos polos festexos, sumáronse numerosos familiares dos judokas participantes no Campionato.

Precisamente esta fin de semana, o español Kioshi Uematsu logrou a medalla de ouro na categoría de -73 quilos da proba da Copa do Mundo de judo disputada este fin de semana en Budapest. Uematsu callou a actuación máis destacada da delegación española na capital húngara así como do equipo feminino que competiu en Viena. Kioshi Uematsu gañou sucesivamente no seu grupo ao alemán Christopher Voelk, o esloveno Saso Jereb e o ucraniano Volodymyr Soroka, en semifinais desfíxose do húngaro Attila Ungvari e na final do xaponés Masahijo Otsuka.