A novidade dos documentos gráficos que conforman a exposición constitúen un grande atractivo para os visitantes, que gozarán dunha visión diferente ao tempo que rigorosa sobre a escritora. Esta exposición conta con 20 paneis luminosos onde se dá conta do papel de Rosalía dentro da cultura galega montados en cinco estruturas que inclúen elementos gráficos e textos e incluso un audiovisual.

Xunto cos paneis explicativos, os visitantes (sobre todo os máis novos) poderán usar a “Guía didáctica” editada para tal fin como fórmula de dinamización coa que facer un repaso sobre o visto e aprendido ao longo da exposición.

Unha unidade didáctica da exposición está ao dispor dos usuarios e usuarias na páxina web da Fundación Manuel María: manuelmaria.com.
Rosalía, sempre viva. Viva Rosalía! é unha iniciativa da área de Igualdade da Diputación de A Coruña en colaboración coa Fundación Manuel María e Mr Misto Films.