Ás 5,30 da tarde do sabado comezarán as probas na praia de San Xurxo, para o que o concelleiro ferrolán de Deportes, Manuel Santiago, pide a colaboración dos bañistas a fín de que deixen libre a zona acotada no areal para o acceso das embarcacións e tripulacións. 
 A participación feminina é a principal novidade desta Bandeira Cidade de Ferrol. O presidente do Club da Cabana, Fernando Arias, adiantou que o club ferrolán de traineiriñas feminino, participará o 13 de setembro na regata da Concha en Donosti entre as 12 traiñas femeninas de España, o que supón algo así como entrar na Champions. Na proba ferrolana os homes farán un percorrido de catro largos, mentras que as mulleres farán dous.  Están previstos 6000 € de premio para a modalidade masculina e 2000 para a feminina.

O edil de deportes, Manuel Santiago, agradeceu o importante patrocinio da Autoridade portuaria e de Gadys na proba, xa que o investimento é moi elevado. Só o balizamento da zona, en mar aberto, é costosísimo, segundo declarou o edil ferrolán.